Si ta përdor "Tonin e Google"?

Për të transmetuar një URL me "Tonin e Google":

  • Identifikohu në llogarinë e Google.
  • Kliko në ikonën e "Tonit të Google" në shfletuesin Chrome ndërsa ndodhesh në një faqe interneti që dëshiron ta transmetosh.

Pse të përdorim "Tonin e Google"?

"Toni i Google" ndihmon kompjuterët të komunikojnë siç bëjmë ne: duke folur me njëri-tjetrin. Ai është një shtesë shfletuesi që e lejon Chrome të përdorë altoparlantët e kompjuterit për të krijuar një nënshkrim të veçantë audioje që mikrofonat e kompjuterëve të tjerë ta identifikojnë si URL.

Si funksionon "Toni i Google"?

"Toni i Google" e aktivizon mikrofonin e kompjuterit tënd (kur shtesa është e aktivizuar). "Toni i Google" ruan përkohësisht një URL në serverët e Google dhe përdor altoparlantët dhe mikrofonin e kompjuterit tënd për ta dërguar atë te kompjuterët pranë që janë të lidhur me internetin. Çdo kompjuter brenda zonës së dëgjimit që ka të instaluar dhe të aktivizuar shtesën "Toni i Google" mund të marrë një njoftim të "Tonit të Google". Njoftimi do të shfaqë URL-në së bashku me emrin dhe fotografinë e "Profilit të Google".

Për të marrë një URL me "Tonin e Google", Chrome duhet ta mbajë të aktivizuar mikrofonin tënd. "Toni i Google" mund të mos funksionojë si duhet në hapësira me zhurma të larta, në largësi të madhe, në lidhje të dobët interneti ose në kompjuterë pa mikrofon apo me mikrofon që nuk mund të kapë transmetimin e tingujve të "Tonit të Google".

Si i përdor të dhënat e mia "Toni i Google"?

"Toni i Google" i grumbullon të dhënat e përdorimit në mënyrë anonime në përputhje me Politikën e privatësisë së Google.

Si ta aktivizoj dhe çaktivizoj atë?

Për të aktivizuar dhe çaktivizuar "Tonin e Google" (duke përfshirë mikrofonin), shkoni te cilësimet e shtesës së Chrome.

A është i sigurt?

"Toni i Google" transmeton vetëm URL-të, kështu që marrësit nuk do të kenë automatikisht qasje te faqet në të cilat zakonisht nuk do të kishin qasje. Për shembull, nëse transmeton URL-në e kutisë hyrëse të Gmail-it, marrësve që klikojnë në njoftimin e "Tonit të Google" do t'u kërkohet të identifikohen në Gmail. Sidoqoftë, transmetimet e "Tonit të Google" janë të projektuara për të qenë publike, prandaj është më mirë të mos i përdorësh për të shkëmbyer informacione të ndjeshme apo sekrete.