ຂ້ອຍ​ຈະ​ໃຊ້ Google Tone ໄດ້​ແນວ​ໃດ?

ເພື່ອອອກອາກາດ URL ດ້ວຍ​ການ​ໃຊ້ Google Tone:

  • ລັອກອິນເຂົ້າ​ບັນ​ຊີ Google ຂອງ​ທ່ານ.
  • ຄ​ລິກ​ໃສ່​ໄອ​ຄອນ Google Tone ຢູ່​ໃນ​ບ​ຣາວ​ເຊີ Chrome ຂອງ​ທ່ານ ໃນ​ຂະ​ນະທີ່ຢູ່ເທິງ ໜ້າເວັບທີ່ທ່ານຕ້ອງການອອກອາກາດ.

ເປັນຫຍັງຈິ່ງຕ້ອງແມ່ນ Google Tone?

Google Tone ຊ່ວຍຄອມພິວເຕີສື່ສານກັນຄືກັບພວກເຮົາສື່ສານ—ໂດຍການລົມກັນ ແລະກັນ. ມັນແມ່ນສ່ວນຂະຫຍາຍບຣາວເຊີທີ່ເຮັດໃຫ້ Chrome ໃຊ້ລຳໂພງຂອງຄອມພິວເຕີຂອງທ່ານ ເພື່ອສ້າງລາຍເຊັນສຽງພິເສດສຳລັບໄມໂຄໂຟນ ຂອງຄອມພິວເຕີອື່ນ ເພື່ອລະບຸເປັນ URL.

Google Tone ໃຊ້ງານແນວໃດ?

Google Tone ເປີດ​ໄມ​ໂຄ​ຣ​ໂຟນ​ຢູ່​ໃນ​ຄອມ​ພິວ​ເຕີ​ຂອງ​ທ່ານ (ໃນ​ຂະ​ນະ​ທີ່​ສ່ວນ​ຂະ​ຫຍາຍ​ເປີດ). Google Tone ເກັບຮັກສາ URL ໜຶ່ງໄວ້ຊົ່ວຄາວເທິງເຊີບເວີຂອງ Google ແລະໃຊ້ ລໍາໂພງ ແລະໄມໂຄຣໂຟນຄອມພິວເຕີຂອງທ່ານ ເພື່ອສົ່ງມັນໄປຫາຄອມພິວເຕີໃກ້ຄຽງ ທີ່ເຊື່ອມຕໍ່ັກັບອິນເຕີເນັດແລ້ວ. ຄອມພິວເຕີໃດໜຶ່ງທີ່ຢູ່ພາຍໃນໄລຍະໃກ້ຫູທີ່ມີສ່ວນຂະຫຍາຍ Google Tone ຕິດຕັ້ງໄວ້ ແລະເປີດຢູ່ແລ້ວສາ​ມາດໄດ້ຮັບການແຈ້ງເຕືອນ Google Tone. ການແຈ້ງເຕືອນຈະສະແດງ URL ໄປພ້ອມກັບ ຊື່ ແລະຮູບໂປຣໄຟລ໌ Google ຂອງທ່ານ.

ເພື່ອຮັບເອົາ URL ດ້ວຍ Google Tone, Chrome ຕ້ອງໃຫ້ໄມໂຄຣໂຟນຂອງທ່ານເປີດຢູ່. Google Tone ອາດຈະບໍ່ເຮັດວຽກຢູ່ໃນບ່ອນທີ່ມີສຽງດັງ, ທີ່ມີ ການເຊື່ອມຕໍ່ອິນເຕີເນັດບໍ່ດີ, ຫຼືຢູ່ໃນຄອມພິວເຕີທີ່ບໍ່ມີໄມໂຄຣໂຟນ ຫຼືມີ ໄມໂຄຣໂຟນທີ່ບໍ່ສາມາດກວດຫາການອອກອາກາດສຽງໄດ້ໂດຍ Google Tone.

Google Tone ໃຊ້ຂໍ້ມູນຂອງຂ້ອຍແນວໃດ?

Google Tone ເກັບກຳຂໍ້ມູນການໃຊ້ແບບບໍ່ເປີດເຜີຍຊື່ອີງຕາມ ນະໂຍບາຍວ່າດ້ວຍຄວາມເປັນສ່່ວນຕົວຂອງ Google.

ຂ້ອຍຈະເປີດ ແລະປິດມັນໄດ້ແນວໃດ?

ເພື່ອເປີດ ແລະປິດ Google Tone (ລວມທັງໄມໂຄຣໂຟນ), ໄປທີ່ ການຕັ້ງຄ່າສ່ວນຂະຫຍາຍ Chrome.

ມັນ​ປອດ​ໄພ​ບໍ?

Google Tone ເຜີຍ​ແຜ່​ພຽງ​ແຕ່ບັນ​ດາ URL ເທົ່າ​ນັ້ນ, ດັ່ງ​ນັ້ນ ຜູ້​ຮັບ​ບໍ່​ສາ​ມາດ​ເຂົ້າ​ຫາ​ໜ້າ​ທີ່​ເຂົາ​ເຈົ້າ​ຈະ​ບໍ່​ມີ​ການ​ເຂົ້າ​ຫາ​ທຳ​ມະ​ດາ​ໂດຍ​ອັດ​ຕະ​ໂນ​ມັດ​ໄດ້. ຖ້າ​ທ່ານ​ເຜີຍ​ແຜ່ URL ກ່ອງ​ເຂົ້າ Gmail ຂອງ​ທ່ານ, ຕົວ​ຢ່າງ ຜູ້​ຮັບ​ຜູ້​ທີ່​ຄ​ລິກ​ໃສ່ການ​ແຈ້ງ​ເຕືອນ Google Tone ຈະ​ເຕືອນ​ຂຶ້ນ ເພື່ອ​ເຂົ້າ​ສູ່​ລະ​ບົບ​ຫາ Gmail ຂອງ​ເຂົ​າ​ເຈົ້າ. ເຖິງ​ແນວ​ໃດ​ກໍ່​ຕາມ, ການ​ເຜີຍ​ແຜ່ Google Tone ເຜີຍ​ແຜ່​ສູ່​ທາ​ລະ​ນະ​ໂດຍ​ການ​ອອກ​ແບບ, ດັ່ງ​ນັ້ນ ດີ​ທີ່​ສຸດ​ແມ່ນ​ບໍ່​ໃຊ້​ພວກ​ມັນ​ແລກ​ປ່ຽນ​ຂໍ້​ມູນ​ລັບ.