Google Tone အား မည်သို့ အသုံးပြုရမည်နည်း?

Google Tone သုံးလျက် URL တစ်ခုအား ထုတ်လွှင့်ရန်-

  • သင့် Google အကောင့်အား လက်မှတ်ထိုးဝင်ပါ။
  • သင် ထုတ်လွှင့်လိုသည့် ဝက်ဘ်စာမျက်နှာအား ဖွင့်ထားစဉ် သင့် Chrome ဘရောင်ဇာရှိ Google Tone သင်္ကေတပုံအား ကလစ်နှိပ်ပါ။

အဘယ်ကြောင့် Google Tone သုံးရသနည်း?

Google Tone သည် လူများ—တစ်ယောက်နှင့်တစ်ယောက် စကားပြောသကဲ့သို့ ကွန်ပျူတာအချင်းချင်း ဆက်သွယ်နိုင်စေရန် ကူညီပေးသည်။ ၎င်းသည် ဘရောင်ဇာ တိုးချဲ့လိုင်း တစ်ခုဖြစ်ပြီး အခြား ကွန်ပျူတာများ၏ မိုက်ကရိုဖုန်းများမှ URL တစ်ခုအဖြစ် သတ်မှတ်နိုင်စေသော အထူး လက္ခဏာအမှတ်အသားရှိ အသံတစ်သံ ထွက်လာစေရန် သင့် ကွန်ပျူတာရှိ စပီကာများကို ၎င်းမှ Chrome အား အသုံးပြုစေသည်။

Google Tone မည်သို့ အလုပ်လုပ်သနည်း?

Google Tone သည် သင့် ကွန်ပျူတာ၏ မိုက်ကရိုဖုန်းအား (တိုးချဲ့လိုင်း ဖွင့်ထားစဉ်တွင်) ဖွင့်သည်။ Google Tone မှ Google ၏ ဆာဗာများပေါ်တွင် URL တစ်ခုအား ယာယီသိမ်းဆည်းထားပြီး ၎င်းအား အင်တာနက်နှင့် ချိတ်ဆက်ထားသော အနီးအနားရှိ ကွန်ပျူတာများသို့ ပို့ပေးရန် သင့်ကွန်ပျူတာ၏ စပီကာများနှင့် မိုက်ကရိုဖုန်းအား အသုံးပြုစေသည်။ ကြားနိုင်လောက်သော အကွာအဝေးအတွင်းရှိပြီး Google Tone တိုးချဲ့လိုင်းအား သွင်းယူထားကာ ဖွင့်ထားသည့် မည်သည့်ကွန်ပျူတာမဆို Google Tone သတိပေးချက်အား လက်ခံရယူနိုင်ပါသည်။ ထိုသတိပေးချက်တွင် URL အား သင့် Google Profile အမည်နှင့် ဓာတ်ပုံနှင့်အတူ ဖော်ပြထားမည်ဖြစ်သည်။

Google Tone ဖြင့် URL ကိုလက်ခံရရှိရန်၊ Chrome အနေဖြင့် သင့် မိုက်ကရိုဖုန်းအား ဖွင့်ထားစေလိုသည်။ ကွာဝေးသော၊ အသံကျယ်လောင်သော နေရာများရှိ အင်တာနက် ချိတ်ဆက်မှု မကောင်းသော၊ သို့မဟုတ် မိုက်ကရိုဖုန်း မပါသော သို့မဟုတ် Google Tone မှ ထုတ်လွှင့်သော အသံအား ဖမ်းယူနိုင်ခြင်းမရှိသည့် မိုက်ကရိုဖုန်းပါသော ကွန်ပျူတာများတွင် Google Tone အလုပ်လုပ်မည် မဟုတ်ပါ။

ကျွန်ုပ်၏ အချက်အလက်များအား Google Tone မှ မည်သို့ အသုံးပြုမည်နည်း?

Google ၏ ကိုယ်ရေးကိုယ်တာဆိုင်ရာ မူဝါဒ နှင့် အညီ အမည်မသိ အသုံးပြုမှု အချက်အလက်များအား Google Tone မှ စုဆောင်းမည်။

၎င်းအား မည်သို့ ဖွင့်ရ ပိတ်ရ မည်နည်း?

Google Tone (မိုက်ကရိုဖုန်း အပါအဝင်) ဖွင့်ရန် နှင့် ပိတ်ရန်၊ Chrome တိုးချဲ့လိုင်း ဆက်တင်များသို့ သွားပါ။

၎င်းသည်စိတ်ချရပါသလား?

Google Tone မှ URL များသာ ထုတ်လွှင့်ပါသည်၊ ထိုကြောင့် လက်ခံရရှိသူများသည် ၎င်းတို့သာမန်ရယူသုံးစွဲခွင့်မရှိသည့် စာမျက်နှာတစ်ခုသို့ အလိုအလျောက်သုံးစွဲခွင့်ရရှိမည်မဟုတ်ပါ။ အကယ်၍ သင်သည် သင့် Gmail ဝင်စာများ URL အား ထုတ်လွှင့်လျှင်၊ ဥပမာအားဖြင့်၊ Google Tone သတိပေးချက်အား ကလစ်နှိပ်မည့် လက်ခံရရှိသူများသည် သူတို့၏ Gmail သို့ဝင်ရောက်ရန် တောင်းဆိုခြင်းခံရမည်။ သို့ရာတွင်၊ Google Tone ထုတ်လွှင့်မှုများသည် ပုံစံအားဖြင့် အများပြည်သူသို့ ထုတ်လွှင့်သည့်အတွက် ၎င်းအားအသုံးပြု၍ လျှို့ဝှက်သော သတင်းအချက်အလက်များ ဖလှယ်ခြင်း မပြုပါက အကောင်းဆုံးဖြစ်သည်။