Nola erabiltzen da Google Tone?
Google Tone-ren bidez URLak igortzeko:
- Hasi saioa Google kontuan.
- Sakatu Chrome arakatzaileko Google Tone ikonoa, igorri nahi duzun web-orrian zauden bitartean.
Zergatik erabili Google Tone?
Google Tone-ri esker, ordenagailuak pertsonak bezala komunika daitezke; alegia, batak besteari hitz eginda. Google Tone arakatzailearen luzapena da, eta ordenagailuaren bozgorailuak erabiltzea ahalbidetzen dio Chrome-ri, beste ordenagailuen mikrofonoek URL gisa identifikatuko duten soinu-sinadura berezia sortzeko.
Nola funtzionatzen du Google Tone-k?
Google Tone-k ordenagailuaren mikrofonoa aktibatzen du (luzapena aktibatuta dagoen bitartean). Google Tone-k aldi baterako gordetzen du URLa Google-ren zerbitzarietan, eta Internetera konektatuta dauden inguruko ordenagailuetara bidaltzen du ordenagailuaren bozgorailuak eta mikrofonoa erabilita. Google Tone luzapena instalatuta eta aktibatuta duten inguruko ordenagailuek Google Tone jakinarazpena jaso dezakete. Jakinarazpenak URLa erakutsiko du, Google profileko izenarekin eta irudiarekin batera.
Google Tone bidez URLa jasotzeko, Chrome-k mikrofonoa aktibatuta izan behar du. Baliteke Google Tone-k ez funtzionatzea zarata asko badago, distantzia handiegia bada, Interneteko konexioa ona ez bada, edo ordenagailuak mikrofonorik ez badu edo duen mikrofonoa ez bada gai Google Tone-k igorritako soinua detektatzeko.
Nola erabiltzen ditu Google Tone-k nire datuak?
Google Tone-k erabilera-datu anonimoak biltzen ditu, Google Pribatutasun-gidalerroei jarraiki.
Nola aktiba eta desaktiba dezaket?
Google Tone (mikrofonoa barne) aktibatzeko eta desaktibatzeko, zoaz Chrome luzapenen ezarpenetara.
Segurua al da?
Google Tone-k URLak soilik igortzen ditu; beraz, hartzaileek ez dute orrirako sarbide automatikorik, normalean hura atzitzeko baimenik ez badute. Esaterako, Gmail sarrera-ontziaren URLa igortzen baduzu, euren Gmail kontuan saioa hasteko eskatuko zaie Google Tone jakinarazpenean klik egiten duten hartzaileei. Hala ere, Google Tone igorpenak publikoak izateko diseinatuta daudenez, hobe da isilpeko informazioa partekatzeko ez erabiltzea.