តើខ្ញុំអាចប្រើ Google Tone ដោយរបៀបណា?
ដើម្បីផ្សាយ URL ដោយប្រើ Google Tone៖
- ចូលទៅក្នុងគណនី Google របស់អ្នក។
- ចុចនៅលើរូបតំណាង Google Tone នៅក្នុងកម្មវិធីរុករក Chrome របស់អ្នកខណៈពេលដែលអ្នកនៅលើ គេហទំព័រដែលអ្នកចង់ផ្សាយ។
ហេតុអ្វីត្រូវប្រើ Google Tone?
Google Tone ជួយឲ្យកុំព្យូទ័ររបស់អ្នកធ្វើការទាក់ទងដូចមនុស្សធម្មតាដែរ ដោយការនិយាយ រកគ្នាទៅវិញទៅមក។ វាជាកម្មវិធីបន្ថែមនៃកម្មវិធីរុករកដែលអនុញ្ញាតឲ្យ Chrome ប្រើ ឧបករណ៍បំពងសម្លេងរបស់កុំព្យូទ័ររបស់អ្នកដើម្បីបង្កើតសញ្ញាសម្លេងពិសេសដើម្បីឲ្យ មីក្រូហ្វូនរបស់កុំព្យូទ័រផ្សេងទៀតកំណត់វាថាជា URL។
តើ Google Tone ដំណើរការបានដោយរបៀបណា?
Google Tone បើកមីក្រូហ្វូនរបស់កុំព្យូទ័ររបស់អ្នក (ខណៈពេលដែលកម្មវិធីបន្ថែមនេះបើក)។ Google Tone ផ្ទុក URL ជាបណ្តោះអាសន្ននៅលើម៉ាស៊ីនមេរបស់ Google ហើយប្រើ ឧបករណ៍បំពងសម្លេង និងមីក្រូហ្វូនរបស់កុំព្យូទ័ររបស់អ្នកដើម្បីផ្ញើវាទៅកុំព្យូទ័រនៅក្បែរដែលភ្ជាប់ អ៊ីនធឺណិត។ កុំព្យូទ័រណាមួយស្ថិតក្នុងរយៈចម្ងាយអាចទទួលសម្លេងបាន ហើយបានដំឡើងកម្មវិធីបន្ថែម Google Tone និងបានបើកវាផងដែរនោះ អាចទទួលការជូនដំណឹងអំពី Google Tone។ ការជូនដំណឹងនេះនឹងបង្ហាញ URL ព្រមជាមួយនឹងឈ្មោះប្រវត្តិរូប និង រូបភាព Google របស់អ្នក។
ដើម្បីទទួលបាន URL ដែលមាន Google Tone Chrome ត្រូវកំណត់ឲ្យមីក្រូហ្វូនបើក។ Google Tone អាចនឹងមិនដំណើរការនៅមជ្ឈដ្ឋានដែលមានសម្លេងលឺខ្លាំង ចម្ងាយឆ្ងាយ ការតភ្ជាប់អ៊ីនធឺណិតខ្សោយ នៅលើកុំព្យូទ័រដែលគ្មានមីក្រូហ្វូន ឬ មីក្រូហ្វូនដែលមិនមានលទ្ធភាពចាប់យកសម្លេងផ្សាយរបស់ Google Tone នោះបាន។
តើ Google Tone ប្រើទិន្នន័យរបស់ខ្ញុំដោយរបៀបណា?
Google Tone ប្រមូលទិន្នន័យប្រើប្រាស់អនាមិកដោយអនុលោមតាមគោលការណ៍ភាពឯកជន របស់ Google។
តើខ្ញុំអាចបើក និងបិទវាដោយរបៀបណា?
ដើម្បីបើក និងបិទ Google Tone (រួមបញ្ចូលទាំងមីក្រូហ្វូន) សូមចូលទៅកាន់ ការកំណត់កម្មវិធីបន្ថែម Chrome។
តើវាមានសុវត្ថិភាពឬទេ?
Google Tone ផ្សាយចេញតែ URLs ប៉ុណ្ណោះ ដូច្នេះអ្នកទទួលមិនអាចទទួលបានការចូលប្រើដោយស្វ័យប្រវត្តិ ទៅកាន់ទំព័រដែលពួកគេជាធម្មតាមិនមានការចូលប្រើនោះទេ។ ប្រសិនបើអ្នក ផ្សាយ URL នៃប្រអប់ទទួល Gmail របស់អ្នក ឧទាហរណ៍ អ្នកទទួលដែលចុចលើ ការជូនដំណឹងអំពី Google Tone នឹងត្រូវបានជម្រុញឲ្យចូល Gmail របស់ពួកគេ។ ទោះជាយ៉ាងណាក្តី ការផ្សាយរបស់ Google Tone ត្រូវបានរចនាឡើងជាលក្ខណៈសាធារណៈ ដូច្នេះប្រការដែលល្អបំផុតគឺកុំ ប្រើវាដើម្បីផ្លាស់ប្តូរព័ត៌មានសម្ងាត់អោយសោះ។