Google Tone кеңейтімін қалай пайдалануға болады?
Google Tone арқылы URL мекенжайын тарату үшін:
- Google есептік жазбасына кіріңіз.
- Таратылатын веб-бетте Chrome браузеріндегі Google Tone түймесін басыңыз.
Не үшін Google Tone?
Google Tone бір-бірімізбен сөйлескеніміз секілді компьютерлердің өзара байланысуына көмектеседі. Ол – басқа компьютерлердің микрофондарына URL мекенжайы ретінде анықтауға болатын арнайы дыбыс қолтаңбасын жазу үшін Chrome браузеріне компьютеріңіздің динамиктерін қолдануға мүмкіндік беретін браузер кеңейтімі.
Google Tone қалай жұмыс істейді?
Google Tone компьютердің микрофонын қосады (кеңейтім қосулы кезде). URL мекенжайын Google серверлеріне уақытша сақтап, компьютердің динамиктері мен микрофоны арқылы оны интернетке қосылған жақын жердегі компьютерлерге жібереді. Google Tone кеңейтімі орнатылған және қосылған жақын маңдағы кез келген компьютер Google Tone хабарландыруын ала алады. Хабарландыруда URL мекенжайы, Google профильдік атыңыз және суретіңіз көрсетіледі.
Google Tone арқылы URL мекенжайын алу үшін, Chrome браузері үшін микрофонның қосулы болғаны қажет. Google Tone шулы жерлерде, алыс қашықтықта, интернет байланысы нашар болған кезде немесе микрофоны жоқ не микрофоны Google Tone арқылы таратылған дыбысты анықтауға жарамсыз компьютерде жұмыс істемеуі мүмкін.
Google Tone менің деректерімді қалай пайдаланады?
Google Tone анонимді пайдалану деректерін Google құпиялылық саясатына сәйкес жинақтайды.
Оны қалай қосуға және өшіруге болады?
Google Tone кеңейтімін (микрофонмен бірге) қосу және өшіру үшін Chrome кеңейтім параметрлеріне өтіңіз.
Бұл қауіпсіз бе?
Google Tone URL мекенжайларын ғана таратады, сондықтан алушылар әдетте рұқсаты жоқ бетке автоматты түрде кіре алмайды. Мысалы, Gmail кіріс хабарлар қалтасының URL мекенжайын таратсаңыз, Google Tone хабарландыруын басқан алушылардан Gmail есептік жазбасына кіру сұралады. Алайда Google Tone таратылымдары әдейі жалпыға қолжетімді етіп жасалса, оларды құпия ақпаратпен алмасуға пайдаланбаған жөн.