Како да го користам Google Tone?
За да емитувате УРЛ со Google Tone:
- Најавете се на сметката на Google.
- Кликнете на иконата на Google Tone во прелистувачот Chrome додека сте на веб-страницата што сакате да ја емитувате.
Зошто Google Tone?
Google Tone им помага на компјутерите да комуницираат како нас - со меѓусебен разговор. Тоа е екстензија на прелистувачот што дозволува Chrome да ги користи звучниците на компјутерот за да создаде специјален звучен потпис што микрофоните на другите компјутери ќе го идентификуваат како УРЛ.
Како работи Google Tone?
Google Tone го вклучува микрофонот на компјутерот (додека е вклучена екстензијата). Google Tone привремено складира УРЛ на серверите на Google и ги користи звучниците и микрофонот на компјутерот за да ја испрати до компјутерите во близина што се поврзани на интернет. Секој компјутер во домет што ја има инсталирано и вклучено екстензијата на Google Tone може да прими известување од Google Tone. Известувањето ќе ја прикаже УРЛ заедно со името и сликата од профилот на Google.
За да прими УРЛ од Google Tone, Chrome треба да го чува вклучен микрофонот. Google Tone можеби нема да работи на гласни места, на растојание, преку лоша интернет-врска или на компјутери без микрофон или со микрофон што не може да открива звуци што ги емитува Google Tone.
Како Google Tone ги користи моите податоци?
Google Tone собира анонимни податоци во согласност со Политиката за приватност на Google.
Како се вклучува и исклучува?
За вклучување и исклучување на Google Tone (и микрофонот), одете во поставките за екстензии на Chrome.
Дали е безбеден?
Google Tone емитува само УРЛ, па примачите не добиваат автоматски пристап до страница до која обично не би имале пристап. На пример, ако емитувате УРЛ од приемното сандаче на Gmail, примачите кои ќе кликнат на известувањето на Google Tone ќе треба да се најават на својот Gmail. Сепак, емитувањата на Google Tone по правило се јавни, па затоа е најдобро да не се користат за разменување доверливи информации.