Google Tone-ийг хэрхэн ашиглах вэ?
Google Tone ашиглан, URL дамжуулах:
- Google бүртгэл рүүгээ нэвтрэх.
- Дамжуулахыг хүсч буй вэб хуудас руу орсон үедээ, Chrome хөтөч доторх Google Tone-ийн дүрс дээр дарна.
Яагаад заавал Google Tone гэж?
Хүмүүс хоорондоо ярилцаж байгаа мэт компьюьерүүд хоорондоо чөлөөтэй харилцах боломжийг Google Tone олгодог. Энэ нь Chrome-д таны компьютерийн чанга яригчийг ашиглан, бусад компьютерийн микрофонд URL гэж таних тусгай дууны бичвэрийг үүсгэхэд тусалдаг вэб хөтчийн өргөтгөл юм.
Google Tone хэрхэн ажилладаг вэ?
Google Tone таны утасны микрофоныг идэвхжүүлдэг (өргөтгөл идэвхтэй үед). Google Tone нь URL-ийг Google-ийн сервер дээр түр зуур хадгалж, үүнийг таны компьютерийн чанга яригч болон микрофоныг ашиглан, интернэтэд холбогдсон ойролцоох компьютер руу илгээдэг. Дуу тархах зайд байгаа, мөн түүнчлэн Google Tone өргөтгөлийг суулгаж, асаасан ямар ч компьютер Google Tone-ийн мэдэгдлийг хүлээн авна. Энэхүү мэдэгдэл нь URL-ийг таны Google Профайл нэр болон зургийн хамт дэлгэцэнд харуулна.
Google Tone URL-ийг хүлээн авахын тулд, Chrome дээр таны микрофон байнгын асаалттай байх хэрэгтэй. Google Tone нь Интернэтийн сүлжээ муутай, дуу чимээ ихтэй орчинд, хол зайд, мөн түүнчлэн минкрофонгүй эсвэл Google Tone-оос дамжуулах дууг илрүүлж чадахгүй микрофонтой компьютер дээр ажиллахгүй байж болно.
Google Tone миний мэдээллийг хэрхэн ашигладаг вэ?
Google Tone нь Google-ийн Нууцлалын Бодлогын дагуу өгөгдлийг ашиглаж буй хэрэглэгчийн нэрийг нууцалсан горимд цуглуулдаг.
Би үүнийг хэрхэн унтрааж асаах вэ?
Google Tone (мөн микрофон)-ийг унтрааж асаахын тулд, Chrome-ийн өргөтгөлийн тохиргоо руу орно.
Энэ хэр найдвартай вэ?
Google Tone зөвхөн URL-ийг дамжуулдаг учир хүлээн авагчид тэдний нэвтрэх боломжгүй хуудсанд автоматаар нэвтэрч чадахгүй. Жишээлбэл та өөрийн Gmail-ийн имэйл хайрцгийн URL-ийг дамжуулсан тохиолдолд Google Tone-ийн мэдэгдлийг дарсан тухайн хүлээн авагчийн өөрийнх нь Gmail-д нэвтрэх цонх гарч ирнэ. Гэсэн хэдий ч, Google Tone дамжуулагчийг олон нийтэд зориулсан учир үүгээр нууц мэдээлэл солилцох нь тохиромжгүй.