Ինչպե՞ս կարող եմ օգտվել Google Tone-ից:

Google Tone-ի միջոցով որևէ URL հեռարձակելու համար՝

  • Մուտք գործեք ձեր Google հաշիվ:
  • Ձեր Chrome դիտարկիչում բացեք այն էջը, որը ցանկանում եք հեռարձակել և սեղմեք Google Tone պատկերակը:

Ինչո՞ւ Google Tone:

Google Tone-ն օգնում է համակարգիչներին հաղորդակցվել մեզ նման՝ այսինքն խոսելու միջոցով: Այն դիտարկիչի ընդլայնում է, որը թույլ է տալիս Chrome-ին օգտագործել ձեր համակարգչի բարձրախոսները՝ այլ համակարգիչների խոսափողների համար հատուկ ձայնային ստորագրություն վերարտադրելու նպատակով, որի միջոցով պետք է նույնականացվի URL-ը:

Ինչպե՞ս է աշխատում Google Tone-ը:

Google Tone-ը միացնում է ձեր համակարգչի խոսափողը (եթե իհարկե ընդլայնումը միացված է): Google Tone-ը ժամանակավորապես պահում է URL-ը Google-ի սերվերներում և օգտագործում է ձեր համակարգչի բարձրախոսներն ու խոսափողը՝ տվյալ URL-ը մոտակա համակարգիչներին ուղարկելու համար, որոնք միացված են համացանցին: Լսելիության սահմաններում գտնվող ցանկացած համակարգիչ, որում նույնպես տեղադրված է Google Tone ընդլայնումը և այն միացված է, կարող է ստանալ Google Tone-ի ծանուցում: Ծանուցման մեջ կցուցադրվի URL-ը՝ ձեր Google պրոֆիլի անվան և նկարի հետ միասին:

Google Tone-ի միջոցով URL ստանալու համար ձեր խոսափողը պետք է միացված լինի: Google Tone-ը հնարավոր է չաշխատի աղմկոտ տարածքներում, մեծ հեռավորության վրա, թույլ ինտերնետ կապի դեպքում, խոսափող չունեցող կամ այնպիսի խոսափող ունեցող համակարգիչներում, որոնք ընդունակ չեն հայտնաբերել Google Tone-ի ձայնային հեռարձակումը:

Ինչպե՞ս է Google Tone-ն օգտագործում իմ տվյալները:

Google Tone-ն անանուն կերպով հավաքում է օգտագործման մասին տվյալներ՝ Google-ի Գաղտնիության քաղաքականությանը համաձայն:

Ինչպե՞ս միացնել և անջատել:

Google Tone-ը (ներառյալ խոսափողը) միացնելու և անջատելու համար անցեք Chrome-ի ընդլայնման կարգավորումներ:

Արդյո՞ք դա անվտանգ է:

Google Tone-ը հեռարձակում է միայն URL-ներ: Ստացողներն ավտոմատ կերպով մուտք չեն ստանում այնպիսի էջեր, որոնք նրանց համար նախկինում փակ են եղել: Եթե դուք, օրինակ, հեռարձակեք ձեր Gmail-ի մուտքի արկղի URL-ը, ստացողներից, ովքեր կսեղմեն Google Tone-ի ծանուցման վրա, կպահանջվի մուտք գործել իրենց Gmail: Այդուհանդերձ, Google Tone-ի հեռարձակումներն իրենց հորինվածքով հրապարակային են, այնպես որ խորհուրդ չի տրվում օգտագործել դրանք գաղտնի տեղեկատվություն փոխանակելու համար: