Google Tone kengaytmasidan qanday foydalaniladi?
Google Tone yordamida URL manzilini yuborish uchun:
- Google hisobingizga kiring.
- Yubormoqchi bo‘lgan veb-sahifa Chrome brauzerida ochiq turganida Google Tone belgisi ustiga bosing.
Nega aynan Google Tone?
Xuddi insonlar bir-birlari bilan suhbatlashgani kabi Google Tone ham kompyuterlarni bir-biri bilan aloqa qilishiga yordam beradi. Chrome brauzeri ushbu kengaytma yordamida kompyuter karnayidan foydalanib maxsus signal chiqaradi va bu signal boshqa kompyuterning mikrofoni tomonidan qabul qilinadi hamda URL manzili sifatida aniqlanadi.
Google Tone qanday ishlaydi?
Google Tone kengaytmasi ishga tushirilsa, u kompyuteringiz mikrofonini ham yoqadi. Google Tone kengaytmasi URL manzilini vaqtinchalik Google serveriga saqlaydi hamda yaqin-atrofdagi internetga ulangan kompyuterlarga uni yuborish uchun kompyuteringiz mikrofoni va karnayidan foydalanadi. Eshitish mumkin bo‘lgan hududda joylashgan, Google Tone kengaytmasi o‘rnatilgan va yoqilgan har qanday kompyuter Google Tone bildirishnomalarini qabul qilishi mumkin. Bildirishnomada URL manzili bilan birga Google profilingiz nomi va rasmi ham ko‘rsatiladi.
Chrome brauzeri Google Tone yordamida URL manzilini qabul qilish uchun mikrofoningiz yoniq turishi lozim. Google Tone shovqin joylarda, olis masofada, internet tezligi sekin bo‘lgan holatda, mikrofonsiz kompyuter yoki mikrofoni Google Tone uzatgan ovozlarni aniqlay olmaydigan kompyuterlarda ishlamasligi mumkin.
Google Tone mening ma’lumotlarimdan nima maqsadda foydalanadi?
Google Tone kengaytmasidan foydalanish haqidagi ma’lumotlar Google Maxfiylik siyosatiga muvofiq anonim tarzda to‘planadi.
Uni qanday qilib o‘chirish yoki yoqish mumkin?
Google Tone kengaytmasini (mikrofon bilan birga) yoqish va o‘chirish uchun Chrome kengaytmasi sozlamalariga kiring.
Bu xavfsizmi?
Google Tone faqat URL manzillarini ulashadi, shuning uchun qabul qiluvchilar, odatda, ruxsat berilmagan sahifalarga avtomatik tarzda kira olishmaydi. Masalan, agar siz Gmail e-pochtangizdagi kiruvchi xabarning URL manzilini yuborsangiz, Google Tone bildirishnomasini ochgan odamga o‘zining Gmail e-pochtasiga kirish so‘raladi. Google Tone hammaga ochiq ma’lumotlarni yuborish uchun mo‘ljallangan, shuning uchun u orqali maxfiy ma’lumotlarni yubormaganingiz ma’qul.