როგორ გამოვიყენო Google Tone?
Google Tone-ის მეშვეობით URL-ს გადასაცემად:
- შედით თქვენს Google ანგარიშში.
- დააწკაპუნეთ Google Tone-ის ხატულაზე თქვენს Chrome ბრაუზერში, როცა იმ ვებგვერდზე იქნებით, რომლის გადაცემაც გსურთ.
რატომ Google Tone?
Google Tone კომპიუტერებს, ადამიანების მსგავსი საუბრით, ერთმანეთთან კომუნიკაციაში ეხმარება. იგი ბრაუზერის გაფართოებაა, რომელიც Chrome-ის მეშვეობით, თქვენი კომპიუტერის დინამიკებიდან, სპეციალურ ხმოვან ხელმოწერას აჟღერებს, რომელსაც დანარჩენი კომპიუტერების მიკროფონები URL-ად აღიქვამენ.
როგორ მუშაობს Google Tone?
Google Tone ჩართავს თქვენი კომპიუტერის მიკროფონს (სანამ გაფართოება ჩართულია). Google Tone დროებით ინახავს URL-ს Google-ის სერვერებზე, ხოლო ინტერნეტთან დაკავშირებულ ახლომდებარე კომპიუტერებზე მის გასაგზავნად, თქვენი კომპიუტერის დინამიკებსა და მიკროფონს იყენებს. Google Tone-ის შეტყობინებას მიიღებს სმენადობის დიაპაზონში მყოფი ნებისმიერი კომპიუტერი, რომელზეც ასევე დაინსტალირებულია და ჩართულია Google Tone გაფართოება. შეტყობინების მეშვეობით, გამოჩნდება როგორც URL, ისე თქვენი Google პროფილის სახელი და სურათი.
Google Tone-ით URL-ის მისაღებად, Chrome-ს ჩართული მიკროფონი ესაჭიროება. Google Tone-მა შეიძლება არ იმუშაოს ხმაურიან ადგილებში, დიდ მანძილებზე, ცუდი ინტერნეტ-კავშირის პირობებში ან უმიკროფონო თუ ისეთი მიკროფონის მქონე კომპიუტერებზე, რომელსაც Google Tone-ის ხმოვანი გადაცემის აღმოჩენა არ შეუძლია.
როგორ იყენებს Google Tone ჩემს მონაცემებს?
Google Tone აგროვებს გამოყენების ანონიმურ მონაცემებს, Google-ის კონფიდენციალურობის დებულების შესაბამისად.
როგორ ჩავრთო და გამოვრთო Google Tone?
Google Tone-ის (მიკროფონთან ერთად) ჩასართავად და გამოსართავად, გადადით Chrome-ის გაფართოებების პარამეტრებზე.
არის თუ არა Google Tone უსაფრთხო?
Google Tone მხოლოდ URL-ებს გადასცემს. შესაბამისად, ის მიმღები პირები, რომელთაც კონკრეტულ გვერდზე წვდომა არ აქვთ, ამის უფლებას ავტომატურად ვერ მიიღებენ. მაგალითად, თქვენი Gmail-ის შემოსულების URL-ის გადაცემის შემთხვევაში, Google Tone-ის შეტყობინებაზე დაწკაპუნების შემდეგ, მიმღებ პირებს თავიანთ Gmail-ში შესვლა მოეთხოვებათ. თუმცა, Google Tone-ის გადაცემები ჩანაფიქრის მიხედვით საჯარო უნდა იყოს. შესაბამისად, თავი უნდა შეიკავოთ მათი მეშვეობით კონფიდენციალური ინფორმაციის მიმოცვლისგან.