Como podo utilizar Google Tone?
Para transmitir un URL con Google Tone:
- Inicia sesión na túa conta de Google.
- Fai clic na icona de Google Tone no teu navegador Chrome cando esteas nunha páxina web que queiras transmitir.
Por que utilizar Google Tone?
Con Google Tone, os ordenadores poden comunicarse como facemos nós: falando un co outro. É unha extensión do navegador que permite que Chrome utilice os altofalantes do ordenador para producir unha sinatura de son especial para que os micrófonos doutros ordenadores a identifiquen como un URL.
Como funciona Google Tone?
Google Tone activa o micrófono do teu ordenador (mentres a extensión está activada). Google Tone almacena temporalmente un URL nos servidores de Google e usa os altofalantes e o micrófono do teu ordenador para envialo a ordenadores próximos que estean conectados a Internet. Calquera ordenador situado a unha distancia perceptible que tamén teña instalada e activada a extensión de Google Tone, recibirá unha notificación de Google Tone. A notificación mostrará o URL xunto co teu nome e foto de perfil de Google.
Para recibir un URL con Google Tone, Chrome ten que manter o teu micrófono activado. É posible que Google Tone non funcione en espazos ruidosos, a distancia, cunha conexión a Internet de baixa calidade, en ordenadores que non teñan micrófono ou cun incapaz de detectar a transmisión de son de Google Tone.
Como utiliza os meus datos Google Tone?
Google Tone recompila datos de uso anónimos de acordo coa Política de privacidade de Google.
Como podo activalo e desactivalo?
Para activar ou desactivar Google Tone (incluído o micrófono), accede á configuración da extensión de Chrome.
É seguro?
Google Tone só permite compartir URL, polo que os destinatarios non obteñen acceso de forma automática ás páxinas ás que non poderían acceder en condicións normais. Por exemplo, se transmites o URL da túa caixa de entrada de Gmail, pediráselles que inicien sesión na súa conta de Gmail aos destinatarios que fagan clic na notificación de Google Tone. Con todo, o que se transmite a través de Google Tone é público sempre, polo que é preferible non usalo para intercambiar información confidencial.