Hoe gebruik ek Google Klankdeel?
Om 'n URL met Google Klankdeel uit te saai:
- Meld by jou Google-rekening aan.
- Klik op die Google Klankdeel-ikoon in jou Chrome-blaaier terwyl jy op 'n webbladsy is wat jy wil uitsaai.
Hoekom Google Klankdeel?
Google Klankdeel help rekenaars om soos ons te kommunikeer – deur met mekaar te praat. Dis 'n blaaieruitbreiding wat Chrome in staat stel om jou rekenaar se luidsprekers te gebruik om 'n spesiale klankkenteken te lewer wat ander rekenaars se mikrofone as 'n URL kan identifiseer.
Hoe werk Google Klankdeel?
Google Klankdeel skakel jou rekenaar se mikrofoon aan (terwyl die uitbreiding aan is). Google Klankdeel berg 'n URL tydelik in Google se bedieners en gebruik jou rekenaar se luidsprekers en mikrofoon om dit na nabygeleë rekenaars te stuur wat aan die internet gekoppel is. Enige rekenaar binne hoorafstand waarop die Google Klankdeel-uitbreiding ook geïnstalleer en aangeskakel is, kan 'n Google Klankdeel-kennisgewing ontvang. Die kennisgewing sal die URL saam jou Google-profiel se naam en foto wys.
Chrome moet jou mikrofoon aan hou om 'n URL met Google Klankdeel te ontvang. Google Klankdeel sal dalk nie werk in raserige omgewings, oor 'n afstand, met 'n swak internetverbinding, of op rekenaars sonder 'n mikrofoon of met 'n mikrofoon wat nie klankuitsendings deur Google Klankdeel kan bespeur nie.
Hoe gebruik Google Klankdeel my data?
Google Klankdeel samel anonieme gebruikdata in ingevolge Google se privaatheidsbeleid.
Hoe skakel ek dit aan en af?
Om Google Klankdeel (insluitend die mikrofoon) aan of af te skakel, gaan na die Chrome-uitbreidinginstellings.
Is dit veilig?
Google Klankdeel saai net URL'e uit, wat beteken dat ontvangers nie outomaties toegang verkry tot 'n bladsy waartoe hulle nie normaalweg toegang sou hê nie. As jy byvoorbeeld jou Gmail-inkassie se URL uitsaai, sal gebruikers wat op die Google Klankdeel-kennisgewing klik, gevra word om by hul eie Gmail aan te meld. Google Klankdeel-uitsendings is egter ontwerp om publiek te wees, en daarom is dit beter om hulle nie te gebruik om vertroulike inligting uit te ruil nie.