Ngiyisebenzisa kanjani i-Google Tone?

Ukuze usakaze i-URL usebenzisa i-Google Tone:

  • Ngena ngemvume ku-akhawunti yakho ye-Google.
  • Chofoza kusithonjana se-Google Tone kusiphequluli sakho se-Chrome ngenkathi usekhasini lewebhu ofuna ukulisakaza.

Kungani i-Google Tone?

I-Google Tone isiza amakhompyutha ukuxhumana njengoba senza—ngokukhuluma. Kuyisandiso sesiphequluli esivumela i-Chrome ukuthi isebenzise izipika zekhompuyutha yakho ukukhiqiza isiginisha yomsindo yamamakrofoni wenye ikhompuyutha ukukhomba njenge-URL.

Isebenza kanjani i-Google Tone?

I-Google Tone ivula imakrofoni yekhompuyutha yakho (ngenkathi isandiso sivuliwe). I-Google Tone ilondoloza okwesikhashana i-URL kumaseva we-Google futhi iseebnzisa izipika zekhompuyutha yakho nemakrofoni ukuyithumela kumakhompuyutha aseduzane axhumeke ku-inthanethi. Noma iyiphi ikhompuyutha eseduze kokuzwa kwendlebe nayo enesandiso se-Google Tone esifakiwe nesivuliwe ingathola isaziso se-Google Tone. Isaziso sizobonisa i-URL negama nesithombe sephrofayela yakho ye-Google.

Ukuze uthole i-URL nge-Google Tone, i-Chrome idinga ukugcina imakrofoni yakho ivuliwe. I-Google Tone kungenzeka ingasebenzi kuzikhala ezinomsindo, kubanga, elinokuxhumeka okubuthaka kwe-inthanethi, noma kumakhompuyutha angenayo imakrofoni noma ngemakrofoni engakwazi ukuthola ukusakazwa komsindo kwe-Google Tone.

Ingabe i-Google Tone iyisebenzisa kanjani idatha yami?

I-Google Tone iqoqa idatha yokusetshenziswa engaziwa ngokuya nge-Inqubomgomo Yobumfihlo ye-Google.

Ngivula futhi ngiyivale kanjani?

Ukuze uvule futhi uvale i-Google Tone (kufaka phakathi imakrofoni), iya kokuthi izilungiselelo zesandiso se-Chrome.

Ingabe iphephile?

I-Google Tone isakaza kuphela ama-URL, ngakho-ke abamukeli abatholi ukufinyelela ngokuzenzakalela kukhasi lapho ngokuvamile bekungeke babe nokufinyelela khona. Uma usakaza i-URL ye-Gmail yakho yebhokisi lokungenayo, isibonelo, abamukeli abachofoza kusaziso se-Google Tone, bazokwaziswa ukuthi bangene ngemvume ku-Gmail yabo. Kodwa, ukusakaza kwe-Google Tone kusesidlangalaleni ngedizayini, ngakho-ke kungcono  ukungakusebenzisi ukuze ushintshisane ngolwazi oluyimfihlo.